ഞാൻ കണ്ട പ്രകൃതി

 

പൂവും വണ്ടും ചിത്രശലഭവും കാറ്റും മഴയും പുഴുവും കഥാപാത്രങ്ങളായി എത്തുന്നു. എൻ്റെ ക്യാമറ കണ്ണിലൂടെ ഞാൻ കണ്ട പ്രകൃതി .

1 . പൂവിൻ്റെ ചാഞ്ചാട്ടം 

ക്യാമറ വ്യൂ ഫൈൻഡറിൽ കൂടി 

പനിനീർപ്പൂവിനെ നോക്കിയ ഞാൻ ,

പൂവിൻ്റെ ഭംഗി കണ്ടു മയങ്ങി പോയി .

പനിനീർ പൂവേ..എത്ര സുന്ദരിയാണ് നീ !

അപ്പോഴേയ്ക്കും ഒരു വണ്ട് പൂവിൽ വന്നിരുന്നു .

പനിനീർ പൂവ് വണ്ടിരുന്ന ഭാഗത്തേയ്ക്ക് ചാഞ്ഞുകൊടുത്തു.

പൂവ് ചാഞ്ഞു കൊടുത്തത് വണ്ടിനിഷ്ടമായി ,

വണ്ട് പൂവിനെ സ്നേഹിച്ചു തുടങ്ങി .

അപ്പോഴേയ്ക്കും ഒരു കാറ്റു വീശി 

പൂവ് കാറ്റു വീശിയ ഭാഗത്തേയ്ക്കും ചാഞ്ഞു കൊടുത്തു .

കാറ്റിന് വേണ്ടി പൂവ് ചാഞ്ഞു കൊടുത്തത് വണ്ടിനിഷ്ടമായില്ല 

വണ്ട് പനിനീർ പൂവിനോട് പിണങ്ങി പറന്നുപോയി .

പനിനീർപൂവ് വഞ്ചിച്ചു എന്നു വണ്ട് കരുതി 

വണ്ട് സംശയ രോഗിയായി , 

സ്വസ്ഥത കിട്ടാത്ത വണ്ട് പല പൂവ് തേടി പോയി .

വീണ്ടും തൻ്റെ കാമുകിയായ  പൂവിനരികിലെത്തി .

പനിനീർപ്പൂവിൻ്റെ സൗന്ദര്യത്തിനു മുന്നിൽ 

വണ്ടിൻ്റെ സംശയത്തിനും പിണക്കത്തിനും എന്തു പ്രസക്തി.

വണ്ട് കാമുകി പൂവിനെ ഒന്നു വട്ടം കറങ്ങി പൂവിതളിലേയ്ക്ക് 

ആഴ്ന്നിറങ്ങി , പൂവിലെ തേൻ ആവോളം നുകർന്നു .

പൂവ് ആനന്ദ നൃത്തമാടിയതു വണ്ട് പൂവിതളിലേയ്ക്ക് 

ആഴ്ന്നിറങ്ങിയപ്പോളാണ് 

വണ്ട് ആനന്ദ നൃത്തമാടിയത് പൂവുകൾ തോറും പറന്നു 

നടക്കുന്ന സ്വാതന്ത്ര്യത്തിലാണ് .

മനസ്സിൻ്റെ സ്വാതന്ത്ര്യം ആനന്ദത്തിലേക്ക് നയിക്കുന്നുണ്ടാകാം 

പക്ഷേ പൂവ് ഒരിക്കലും ഓർത്തില്ല തൻ്റെ സൗന്ദര്യം 

നശിച്ചുകൊണ്ടിരിക്കുകയാണെന്ന് ...

വണ്ടിനേയും പനിനീർപൂവിനേയും സൃഷ്ടിച്ച 

സൃഷ്ടികർത്താവിന് ഒന്നേ പറയാനുണ്ടായിരുന്നുള്ളൂ ..

എല്ലാം പണിതെടുക്കുന്നതും പിൻവലിക്കുന്നതും കാലമാണന്ന് .

2 . പൂ മൊട്ടിൻ്റെ  അഹങ്കാരം