🙏 WELCOME 🙏

               ആദ്യമായി എഴുതിയത് "മാരാരി ഗോൾഡ് " എന്ന പേരിലൊരു തിരക്കഥയാണ് . ആ കഥ പറയാൻ പല സിനിമക്കാരെയും സമീപിച്ചു. ചിലർ കേൾക്കാൻ തയ്യാറായി.  ചിലർ പെൻഡ്രൈവിൽ ഓഡിയോ  ആക്കി തരാൻ പറഞ്ഞു. ആലോചിച്ചപ്പോൾ ബ്ലോഗ് തുടങ്ങി കഥയുടെ ലിങ്ക് ഓരോരുത്തർക്ക്  അയച്ചുകൊടുക്കുന്നതാണ് നല്ലത് എന്ന്  തോന്നി. അങ്ങനെയാണ് dimple media arts എന്ന ഈ ബ്ലോഗ്  ജനിക്കുന്നത്. പിന്നീട് ഞാൻ പോലും പ്രതീക്ഷിക്കാതെ വായനക്കാർ എൻ്റെ ബ്ലോഗ് സന്ദർശിക്കാൻ തുടങ്ങി. അത് എന്നിൽ ഉണ്ടാക്കിയ ആത്മവിശ്വാസം ചെറുതല്ല. എഴുതാനുള്ള ഊർജം കിട്ടിയപ്പോൾ  മനസ്സിൽ തോന്നിയ ആശയങ്ങൾ  ഓരോ കഥകളായി  പോസ്റ്റ് ചെയ്‌തു.    വലിച്ചുവാരി എഴുതി വായനക്കാരെ മുഷിപ്പിക്കാൻ തോന്നിയില്ല . അതുകൊണ്ടു തന്നെ   അധികം എഴുത്തുകളൊന്നും ഇവിടെയില്ല. 

എഴുത്തുകാരനാകുക എൻ്റെ വലിയ ആഗ്രഹമൊന്നും ആയിരുന്നില്ല. ഇഷ്ട്ടം എന്നും ഫോട്ടോഗ്രാഫി ആയിരുന്നു. ഇപ്പോൾ ഈ അൻപതാം വയസ്സിൽ എൻ്റെ ഇഷ്ടങ്ങളൊക്കെ ആത്മാർത്ഥമായിരുന്നോ എന്ന കാര്യത്തിൽ എനിക്ക് സംശയമുണ്ട്. എൻ്റെ ഇഷ്ടങ്ങളൊക്കെ ഓരോ കാലത്തിനും അനുസരിച്ചു മാറിക്കൊണ്ടിരുന്നു. ഒരു ഇഷ്ടവും മനസ്സിൽ ഉറച്ചു നിന്നില്ല എന്നുപറയുന്നതാവും ശരി. അതുകൊണ്ടു തന്നെ ഈ എഴുത്തൊക്കെ എത്രനാളത്തേയ്ക്ക് എന്ന് അറിയില്ല.

എന്നെ പറ്റി കൂടുതലൊന്നും  പറയുന്നില്ല  ! . കഥകൾ ഇഷ്ടപെടുന്ന , സംഗീതം ഇഷ്ടപ്പെടുന്ന , ക്യാമറ ഇഷ്ടപെടുന്ന , എൻ്റെ ഫാമിലിയെ ഇഷ്ടപെടുന്ന ഞാൻ തികച്ചും  യഥാർത്ഥമാണ്. എന്നാൽ എൻ്റെ കഥകളിലെ "ഞാൻ " എന്ന കഥാപാത്രം എൻ്റെ ഭാവന  മാത്രമാണ്. അതുകൊണ്ട് യഥാർഥ എന്നെയും എൻ്റെ കഥകളിലെ "ഞാൻ" എന്ന കഥാപാത്രത്തേയും ഒരിക്കലും കൂട്ടി കുഴയ്ക്കരുത്.

കഥകൾ വായിക്കാനായി ഈ പേജിനു വലതുവശത്തുള്ള " എൻ്റെ കഥകൾ " എന്ന തലക്കെട്ടിനു താഴെയുള്ള പേജുകൾ തുറക്കുക.

Welcome  to My Page:    Dimple Media Arts